كلمات الأغنية:
مرحبا ياقبلة الغيد والعيد السعيد
في مجيّك تقبل الغيم ويطيح الوسم
همت بك ياسيّد افكار شاعرك الفريد
اكتمل عيدي بشوفتك والامر انحسم
انت من علمني الحب الاول والوحيد
وانا من بايع محبتك وادى لك قسم
ابتسم عيشني الجو دام اليوم عيد
ياخي الله يرحم ابوك وامك تبتسم
افتدي رمـــــشه وعينه
واتنفس من حنينه
جعل مثواهم جهنم
من سعو بيني وبينه
نادني واقول لبيه وان لبيت عيد
ردد اسمي يابعد من دعاني بالاسم
انت هجرك كنه الموت في حبل الوريد
وانت وصلك يحيي الروح ويرد النسم
جرّ قلبي كل ما مال خصرك من بعيد
قلت هذا نحت فخار والا ذا جسم
جعل يسقى يوم اقول ان معي قلبٍ حديد
ويوم شفتك ساح سيحة رحيقٍ في دسم
لاتكبر والله اكبر
والثقه تصغر وتكبر
قادر اضبط كل شي
الا المزاج الى تعكر
