كلمات الأغنية: سرى برق الغضب في مدلهمن داخله دخانً
سلاح الجو رعده والقذايف من هماليله
على الي كل يوم يشوف له دين من الأديان
يوالي كل دين ودين ربي مايوالي له
تجي غاراتنا مثل الشهاب الي على الشيطان
على كلب اليهود وجرذي الفرس ومحابيله
يقولون العدا عبد الملك ونقول عبد ايران
تعالى الله عن عبد المجوس وعن زنابيله
مايدري وش يكون الوحي والا مهبط القران
ولايعرف فـ الاصل مقدسات الدين وش هي له
يحسب الحرب لعبه مايعرف الخيل والفرسان
مطيةً فارسيً جاه بـ حماره واخذ خيله
لايامن شرنا لاعنكب البارود فالميدان !
ليا قام السعودي يزحف الحوثي على ذيله
سعوديين ونشوف العرب والمسلمين اخوان
ولانغدر ولا يغدربنا اللي يقبل الميله
ليا منا رضينا تثبت القمه على السيسان
ولامنا زعلنا ياقف الكوكب على حيله
توقف طايرتنا فوق بيت الحوثي الخوان
وحنا لا نزلنا نطرح الرجال ( ونشيله )
نجيه من من السما السامي لامنه سكر البيبان
تحصّن عام كامل وسحبوه الجيش في ليله
رساله واضحه لـ اكبر قيادي ف اكبر الجرذان
يحسب كهوف صنعاء تمنع الشجعان ياحليله
لايمكن نترك الجيران لاجت فزعة الجيران
نحضر ونحتمي والخصم مشروبه فناجيله
دعتنا الجاره الحره وهي تكرم ولاتنهان
يمنها مايذوق الذل في هيبة رياجيله .
صواريم المعارك فاليمن ورجالها شجعان
لايمكن يقبلون بفـارسيٍ بان تضليله
وحنا احفاد من فالقادسيه فعلهم قد بان
واطاحو عرش كسرى وانتهى حكمه واساطيله
يعيش ابو فهد حام الحمى ويعيش ابو سلمان
سلاطين الجزيره سادة المجد ( ومعاديله ) ..
هل العوجا وحامين الحرم ومركدين الجان
ليا دارت رحاة الحرب هم والله حلاحيله
ليا خاب الصديق وفرّق الجيران والخلان
ذكرت اللي تقوله ياخلف واعيد تاويله
تحيزم لـ الثعل بحزام اسد لان الثعل خوان
معه عشرت وجيه ووازن راسه على ذيله
